სახელმწიფო საკუთრებაში არსებული მოძრავი ნივთი არის შესაბამის მარეგისტრირებელ ორგანოში სახელმწიფოს სახელზე რეგისტრირებული მოძრავი ქონება, ან სხვა სახელმწიფო ორგანოს/საჯარო სამართლის იურიდიულ პირისთვის სარგებლობაში გადაცემული ან/და მის ბალანსზე რიცხული მოძრავი ქონება.
რა ფორმით არის შესაძლებელი მოძრავი ნივთის გასხვისება?
- აუქციონის ფორმით პრივატიზება;
- აუქციონის ფორმით სარგებლობაში გადაცემა;
- პირდაპირი მიყიდვის ფორმით პრივატიზება;
- უსასყიდლოდ საკუთრებაში გადაცემა;
- კონკურენტული შერჩევის საფუძველზე პირდაპირი მიყიდვის ფორმით პრივატიზება;
- კონკურენტული შერჩევის საფუძველზე პირდაპირი მიყიდვის ფორმით სარგებლობაში გადაცემა.
ვინ შეიძლება იყოს დაინტერესებული პირი?
- საქართველოს მოქალაქე;
- უცხო ქვეყნის მოქალაქე;
- კერძო სამართლის იურიდიული პირი ან იმ პირთა გაერთიანება, რომლის ქონებაშიც საქართველოს სახელმწიფოს ან ადგილობრივი თვითმართველობის ორგანოს მონაწილეობის წილი 25 %-ზე ნაკლებია.
- სახელმწიფოს, სხვა სუბიექტის ან სახელმწიფოსა და სხვა სუბიექტის მიერ ერთობლივად დაფუძნებული არასამეწარმეო (არაკომერციული) იურიდიული პირი;
- საქართველოს ეროვნული ბანკი;
- სახელმწიფო ორგანო;
- ადგილობრივი თვითმართველობის ორგანო;
- საჯარო სამართლის იურიდიული პირი;
- საქართველოს მთავრობის გადაწყვეტილებით პირდაპირი მიყიდვისას საქართველოს სამოციქულო ავტოკეფალური ეკლესია.
სად შეიძლება მოძრავი ნივთით დაინტერესების შემთხვევაში განცხადების ჩაბარება?
სახელმწიფო ქონების ეროვნული სააგენტოს ნებისმიერ მომსახურების ცენტრსა და იუსტიციის სახლის ნებისმიერ ფილიალში, გარდა თბილისის ფილიალისა. (თბილისის იუსტიციის სახლში განთავსებულია სააგენტოს თბილისის მომსახურების ცენტრი).
მოძრავ ნივთზე განცხადების განხილვის ვადა
საქართველოს ზოგადი ადმინისტრაციული კოდექსით დადგენილი ვადა, რომელიც შეადგენს ერთ თვეს. თუ საქმისათვის არსებითი მნიშვნელობის მქონე გარემოებათა დადგენისათვის, გადაწყვეტილების მისაღებად აუცილებელია ზემოაღნიშნულზე მეტი ვადა, საქმისწარმოების დაწყებისას მიიღება გადაწყვეტილება ვადის განსაზღვრის შესახებ, რომელიც არ შეიძლება აღემატებოდეს 3 (სამი) თვეს.
ვინ იღებს გადაწყვეტილებას პირდაპირი მიყიდვის ფორმით მოძრავი ნივთის განკარგვასთან დაკავშირებით?
პირდაპირი მიყიდვისა და კონკურენტული შერჩევის საფუძველზე პირდაპირი მიყიდვის ფორმით გადაწყვეტილებას სააგენტოს წარდგინებით იღებს საქართველოს მთავრობა.
თუ მოძრავი ნივთი არ არის სარგებლობაში გადაცემული ან/და ბალანსზე არ ერიცხება სხვა სახელმწიფო ორგანოს/საჯარო სამართლის იურიდიულ პირს.